Filatelisć
Lia FilatelisćGherdëina
Nëus son dla Lia Filatelisć
Bënuni
Son na grupa de culezionisć, che spartësc la pascion di pitli tesoresc de nosc ncësa: boi/marches, chertes, de vedla munëides, chertes dal telefon – dut cun referimënt a nosta valeda de Gherdëina.
Nosta pascion ie la storia de nosc antenac, si lecurdanzes y la legrëza de mantenì viva si storia. Uni un cun la pascion dl culezionism ie da nëus bënuni.
Vie nce tu te nosta lia, che proa a mantenì cun legrëza chësta pert culturela dla valeda de Gherdëina!
Ancunteda:
uni prim lunesc dl mëns se ancuntons a S. Cristina
Filatelia
L culezioné - na pascion chieta
Culeziuné
L culezioné ie na pascion chieta, che tol ite scialdi deplù che no me l tenì su cosses. Chiche culezioneia chertes o munëides, ne tën nia me tla man de pitla cosses, ma duta na storia, lecurdanzes y testimunianzes cultureles.
Na vedla cherta nes conta de viages, de nchersciadum y legrëza, de purté i saluc ora per l mond. Les nes mostra cuntredes, ziteies y frabriches coche les fova y cun i uedli de generazions passedes.
Munëides scentant ie documënc che à marcà nosta storia. Les repurteia portrec de jënt che à guvernà, simboi de nazions y spidleia i svilups politics y economics de nazions ntieres. Uni munëida ie n pez de storia, che ie passeda tres la mans de truepa persones, dan abiné si lerch te na culezion.
Culezionisć ie chëi che tën su i lecorc. Cosses che per autri ne à degun valor o semeia da uni di, giata tlo n valor che va sëura l valor materiel ora. Chësta culezions ie puenc danter passà y ncueicundì, mantenian la storia viva y "da pië ite". Te n mond che se muda te uni mumënt, resta l arteniënza de chërtes y munëides. Les ne da da lecurdé, che nce de pitla cosses posses avëi n gran valor, sce n ti cëla plu avisa y cun pascion.
Se ancunton uni prim lunesc dl mëns a S. Cristina tl Bar 2000. Vie nce tu!